給我個讃
會員登入:           
雲林縣水林鄉水北社區代表圖像
統計資料
  • 今日人數:336
  • 累計人數:842516
  • 發表文章:724
  • 相片數量:4
  • 回應數量:15
  • 網友按讚數:7
聯 絡 人 : 紀昭男  
聯絡地址: 雲林縣水林鄉水北村水林路58號  
聯絡電話: 05-7853733  
傳真電話:  
社區暫無圖片
社區小故事
「會社媽」傳奇-陳綉燕
    2016/01/27 20:52 | 陳綉燕

「會社媽」傳奇-陳綉燕

    明天啟元年顏思齊來台屯墾,建內十寨、開發笨港及設外十莊(外十寨),蒜頭(九萬二七千之美稱,家有萬兩以上9戶、千兩以上有27戶,算是頭等富有的地區,故稱算頭,後引用同音蒜頭為地名至今)鄰近大小槺榔、雙溪口(外七寨)、猴樹港與溪厝(外九寨)及土獅仔、六家佃(外十寨)等外三莊,由於移民不斷擁入,讓蒜頭更加速繁榮。

出生於水林鄉水北村,為鄉土文學作家,平時在雲林縣、嘉義縣等國中小擔任台語鄉土教學老師,著有「幸蝠情夜婆夢」台語繪本,由雲林縣政府101315日出版。

    以陳綉燕的台語鄉土創作-會社媽傳奇,來與大家分享,同時了解甘蔗在台灣發展淵源,自明鄭時期、荷治時期、清治時期、日治時期與民國時期等,對台灣開發史佔了非常重要的地位。

會社媽傳奇

陳綉燕

嘉義縣六腳鄉的蒜頭糖廠內底,有一座會社媽,是咱台灣唯一佇會社內面設有廟宇的糖廠,聽阮阿媽聽講是:佇日治時期,日本人為著欲感念媽祖婆降服妖魔作怪的「烏狗精」所起造的。

伊講蒜頭糖廠,佇明治44年(西元1911年)時,日本人佇蒜頭起糖廠的過程當中,時常攏會無緣無故就發生意外,毋是工人受重傷,就是機械故障,發生的原因攏真奇怪,工事一直進行袂順序。

蒜頭糖廠開工彼一工,嘛隆重舉辦盛大的開工儀式,無疑悟即動工就發生重大的事故!明明進前安裝甲真妥當,檢查過檢查的機械,開關一揤,電表隨跳掉。日本的工頭就下咧檢查,較巡攏捎無總,急甲心狂火熱是大粒汗細粒汗,這時陣一股奇怪的力量共伊捙落來。日本工頭雄雄對頂懸哀叫一聲,噗!倒摔向重重摔落塗跤兜,腦振動閣斷幾若支髕仔骨人受重傷,在場的人攏足驚惶。

代誌發生了後,地方就風聲嗙影講是有歹物仔,有人講是魔神仔,有人講是一隻烏狗精咧作怪,講甲規个糖廠是驚驚惶惶。一个廠內做散工,較有頭面的在地人就大膽共日本人提議,愛迎請樸仔跤媽祖鑾駕到糖廠坐鎮除妖。

起頭仔,日本頭人猶感覺台灣人無啥智識,閣會「講一个影,生一个囝」,無共信篤。尾手,看著工場內底的意外,一層一層連捷咧發生,卻是變無步,佇六神無主之下姑不而將破例,照在地的禮數,迎陣頭到樸仔跤街仔,恭請媽祖婆金身來到糖廠坐鎮,設香案獻上香花果品,逐家焚香祈求媽祖大展神威,保庇工廠動工順利如意四時平安。

過無偌久,乩童起乩佇糖廠工場內,跤踏連花步,手攑的七星劍,看捌的人就講媽祖附身佇乩童身上,行對烏狗精蹛的穴,就佇塗跤畫一个圓箍仔。

    紲落去,乩童手所攑的七星劍就開始挖,閣開金口指點日本頭人準備一鼎燒滾滾的油。閣再繼續請在地有頭面的人鬥挖,無偌久,就挖出一堆發金的烏狗骨,乩童即時將發金的烏狗骨掞落去油鼎糋。

從此以後,意外事故就毋捌閣發生,糖廠員工就真安心做工課,工課嘛足順手矣。樸仔跤的媽祖婆正港是興甲會食糕仔,掃除妖魔作怪的烏狗精了後,這件神威顯赫的聖蹟喙接喙耳接耳傳甲一世界,轟動一時。

明治45當時工廠的工務係長布施龍太郎,為著感念媽祖降服妖魔的聖德,就共工廠佮村長參詳,由糖廠提供場地佮建材,欲佇員工宿舍邊仔起造廟宇,共樸仔跤「配天宮」的媽祖婆,分靈到蒜頭糖廠來予逐家參拜,保佑廠內佮員工、家眷大細平安。

媽祖廟落成的時,工務係長布施龍太郎閣親身號名做「副配天宮」,這久蒜頭糖廠的「副配天宮」猶閣佇咧,也是咱台灣獨一無兩的「會社媽」,到今將近一百年嘍。

 




社區快蒐

社區剪影