土間厝真情味—灶腳
水林鄉大興國小教師(土厝社區) 王國興
樹枝歹柴撿來囤,稻草蔗葉綁規綑;
起火炊煙飛上雲,煮飯炒菜燒水滾;
三頓溫飽真安穩,大人囡仔享天倫;
灶神庇佑照顧阮,平安知足是福份。
土間厝真情味—柑仔店
水林鄉大興國小教師(土厝社區) 王國興
酸甜鹹汫好滋味,日常用品滿滿是。
大人食涼消火氣,田園做事真順利。
囡仔食甜真歡喜,讀書運動笑微微。
阿公阿嬤講代誌,歡喜健康食百二。
厝邊隔壁年節時,互相招呼若自己。
庄頭巷尾你我伊,傳承正港人情味。
土間厝真情味—牛車
水林鄉大興國小教師(土厝社區) 王國興
加擔揹肩來踏土,透風曝日閣淋雨。
牛犁反土一大箍,淹水滾田稻仔佈。
葵笠頭頂天看顧,老牛鬥陣仝一組。
共 4 筆 |
|