【客語新詩集】庄下个風景 邱一帆
隔壁个阿伯
一身西裝
一雙皮鞋
一條領頸帶
一生人您著無三擺
一碗飯
一隻卵
一雙筷仔
一生人您淨食一碗
台北个賴仔心舅
罕得轉屋下
台北个孫仔孫女
實在無印象
老屋蚊仔當多
糍粑
◎邱一帆
糯米一粒一粒金金
佇礱穀間脫殼
白淨白淨个米
浸到大錫盆項十二點鐘
阿姆講:
耕種人煞猛个身影
佇水竇肚
看現現
磨一粄袋乳水樣个汁
耐心翻磧
三四點鐘个粄脆
一榾一榾放入籠床
一點鐘蒸軟
軟軟个糍粑
就像阿姆軟軟个心
黏黏个糍粑
就像屋家人黏共下个心
圍一張桌
斷出一團一團个糍粑
剪細細粒
搵歸身番豆粉
一粒一粒緊食
食得出
阿姆心肝肚个歡喜
乜食得出
愛戀南台灣之旅 ◎邱一帆
長久榮光
上帝个名
在百年个榕樹下
行過个人知得
在百年个禮拜堂
聽過个人知得
在百年个音樂堂
唱過个人知得
種一片樹林
分未來一點清涼
樹下有人尞涼
起一間教堂
分未來一點信仰
閒時有人禮拜
辦一間學堂
分未來一點教養
平常有人學習
長久榮光
上帝个名
在百年个榕樹下
尞涼个人知得
在百年个禮拜堂
告解个人知得
在百年个音樂堂
聽過个人知得
共 6 筆 |
|